Следете YES на Фејсбук:
 |
 |
 |
 |
 |
| English | bosanski | български | Македонски | Shqip | srpski |
- Што е YES програмата?
- Кој ја организира програмата?
- Што предвидува стипендијата?
- Што не е предвидено?
- Кој е квалификуван да аплицира за програмата?
- Кој не е квалификуван?
- Кога и како можам да аплицирам?
- Како се одвива процесот на тестирање и селекција?
- Каков бенефит ќе имам од размената?
- Што треба да земеш во предвид пред да аплицираш за YES?
“… тие допринесуваат толку многу за нашата заедница, запознавајќи ги нашите локални ученици со места за кои сонувале да ги посетат некој ден, култури за кои не биле свесни дека се разликуваат од нивните. Најдобриот дел е што ги сакам овие ученици исто колку и моите ученици. Тие го крадат моето срце и никогаш не го враќаат назад. Сакам кога ќе се вратат во посета и кога ќе слушнам од нив за нивните достигнувања, како дипломирање на универзитет и она што го прават во својот живот како возрасни“.
–Домаќин родител на YES ученик
“Како нејзина мајка, можам да кажам колку таа се промени и се разви како личност. Сега е поодговорна и зрела. Таа всушност имаше можност да истражи друга култура, живеејќи со семејството-домаќин и со искусување на типичен американски тинејџерски живот. YES програмата не само што ѝ помогна да порасне, туку и да ја искуси американската култура. Родителите се загрижени за безбедноста на нивното дете во некое непознато семејство во странство, но семејствата домаќини и вработените од YES програмата и Американски совети даваат екстремна поддршка и реагираат моногу брзо. YES програмата е најдоброто нешто што и се случи на мојата ќерка”
– Родител на YES ученик
“Никогаш нема да ја заборавам оваа година исполнета со искуства, особено моето неверојатно семејство домаќин… Тие ме пречекаа не како странец, туку со насмевка на нивните лица. Јас сум една од најсреќните луѓе во светот затоа што имам и друга мајка покрај мојата природна мајка. Навистина сум им благодарна на YES програмата и на Стејт Департментот на САД за дадената шанса да се дружам со луѓе од целиот свет и да ги научам нивните култури”.
– YES алумна
НАЗАД
Што е YES програмата?
. . . . . . . . . . . . . . . . . . . . . . . . . . . . . . . . . . . . . . . . . .
Програмата за младинска размена (The Kennedy-Lugar Youth Exchange and Study – YES) е основана во октомври 2002 година од страна на Конгресот како одговор на настаните од 11 септември, 2001 во САД. YES програмата е целосно финансирана од владата на Соединетите Американски Држави и е администрирана од Бирото за образовни и културни работи (ECA) на Стејт Департментот на САД. YES програмата обезбедува стипендија за една учебна година во САД на избрани средношколци преку строг процес на селекција. Избраните ученици живеат во семејство домаќин кое волонтерски се пријавува за тоа и посетуваат средно училиште во САД за да го поттикнат разбирањето меѓу луѓето од САД и луѓето од другите земји ширум светот.
YES програмата е поддржана на локално ниво од страна на илјадници државјани на САД и локални средни училишта кои учениците ги посетуваат, во кои се едуцираат и ги поддржуваат учениците без финансиски надомест.
Сега, во својата 16-та година, програмата за младинска размена обезбедува стипендии за илјадници ученици од средните училишта од многу земји. Повеќе од 590 ученици од Југоисточна Европа досега учествуваа во програмата. Во академската 2019-20, 81 ученик од
Албанија, Босна и Херцеговина, Бугарија, Косово и Северна Македонија учат во САД преку YES програмата.
Програмата YES Abroad беше воведена како реципрочно продолжение на Kennedy – Lugar Youth Exchange and Study (YES) програмата за ученици од земји со значително муслиманско население. Првата група на американци учествуваше во програмата во учебната година 2009-2010. Сега програмата нуди многу целосни стипендии низ 12 земји за американски ученици од целата земја.
Американски Совети ја администрира YES Abroad програмата во Босна и Херцеговина, Северна Македонија и Бугарија. Програмата беше воведена во Босна и Херцеговина во 2012, во 2014 во Македонија и во 2016 во Бугарија. Американски ученици живеат со локални семејства домаќини и посетуваат средни училишта со своите врсници во земјата. Исто така, учениците имаат можност да учат босански/хрватски/српски (БХС), македонски и бугарски и да ја истражат својата земја домаќин преку активности за културно унапредување кои се спроведуваат низ целата година.
YES Abroad учениците се “младински амбасадори” на САД промовирајќи взаемно разбирање преку создавање трајни врски со семејствата домаќини и заедниците. Учениците се здобиваат со лидерски вештини преку вклученост во активности за учење за општеството и вредностите на земјата домаќин, во исто време образувајќи ги другите за американското општество и вредности.
YES Abroad програмата е финансирана од Стејт Департментот на САД. Програмата е спроведувана од конзорциум на непрофитни организации водени од Американски Совети вклучувајќи ги и AFS-USA, AMIDEAST, и iEARN-USA.
НАЗАД
Кој ја организира програмата?
. . . . . . . . . . . . . . . . . . . . . . . . . . . . . . . . . . . . .
Американски совети за меѓународно образование го организираат процесот на селекција, ориентацијата и патувањето за YES програмата. Основана во 1974 година, Американски совети е меѓународна непрофитна организација која работи на подобрување на меѓусебното разбирање меѓу земјите, разменување идеи меѓу поединците и подобрување на соработката преку едукација. Повеќе од 40 години, Американски совети создаваа, спроведуваа и поддржуваа иновативни програми во САД, Европа, Евроазија, Средниот Исток, Азија и Африка за десетици илјади учесници. Тука се вклучени неколку програми на Владата на САД за средношколци (покрај YES програмата), универзитетски и постдипломски студенти, предавачи и професори. Многу други приватни, непрофитни организации во САД, исто така, ја поддржуваат YES програмата. Владата на САД побара од овие организации да сместат ученици од YES програмата во американски семејства-домаќини кои ќе ги поддржуваат учениците и да организираат локални активности во текот на едногодишното траење на програмата.
НАЗАД
Што предвидува стипендијата?
. . . . . . . . . . . . . . . . . . . . . . . . . . . . . . . . . . . . . . . . . .
YES стипендијата го покрива следново:
• Повратен билет за патување од дома до САД и назад
• Месечен надоместок што ќе им помогне на учениците да учествуваат во социјалните активности и да си купат средства за лична хигиена
• Сместување во одбрано и проверено домаќин-семејство во САД во период од една учебна година
• Запишување во средно училиште во САД
• Учество на ориентација на програмата вклучувајќи ориентација пред програмата, и ориентација за повторно прилагодување по враќањето дома
• Програмски активности организирани во локалните заедници во САД
• Медицинско осигурување, со исклучок на претходно постоечки болести и стоматолошка заштита
НАЗАД
Што не е предвидено?
. . . . . . . . . . . . . . . . . . . . . . . . . . . . . . . . . . . . . . . . . .
YES стипендијата НЕ ги покрива следниве трошоци:
• Кои било трошоци поврзани со добивање пасош
• Лични трошоци што не се покриени со месечниот надоместок
• Трошоци за вишок багаж
• Сметки за телефон или за интернет
НАЗАД
Кој е квалификуван да аплицира за програмата?
. . . . . . . . . . . . . . . . . . . . . . . . . . . . . . . . . . . . .
Конкурсот за стипендирање на YES е отворен за сите, без трошоци
за аплицирање за кандидатите кои ги исполнуваат следниве услови.
Студентите со попреченост се поканети да учествуваат во натпреварот.
Секоја година YES финалистите вклучуваат и ученици со посебни потреби. Избраните ученици со посебни потреби треба да ги исполнуваат истите критериуми како и другите учесници во програмата. Учениците можат да аплицираат само еднаш во програмата за време
на тековниот циклус на тестирање.
Квалификуваните кандидати мора:
1. Да се родени помеѓу 1 јануари 2003 и 15 јули, 2005.
2. Да ги исполнуваат критериумите за степен на образование одредени за нивната земја
Албанија 10ти и 11ти клас во средно училиште во есен 2019
Босна и Херцеговина 1ва и 2ра година во средно училиште во есен 2019
Бугарија 9ти и 10ти клас во средно училиште во есен 2019
Косово 10та и 11та година во средно училиште во есен 2019
Северна Македонија 1-ва и 2-ра година во средно училиште во есен 2019
3. Да бидат запишани во средно училиште кога ја поднесуваат апликацијата
4. Да имаат солиден просек
5. Да немаат завршено средно образование пред започнување на програмата
6. Да имаат претходно учено aнглиски јазик и да демонстрираат познавање на aнглискиот јазик во моментот на аплицирање
7. Да ги исполнуваат условите за добивање на американска виза
8. Да можат да се стекнат со пасош во земјата од каде што аплицираат за програмата
Учениците со посебни потреби мора да бидат запишани во средно училиште во академската 2019 година и да бидат родени помеѓу 15 февруари 2002 година и 15 јули 2005 година.
НАЗАД
Кој не е квалификуван?
. . . . . . . . . . . . . . . . . . . . . . . . . . . . . . . . . . . . .
Учениците не се квалификувани да аплицираат ако:
• Тој/таа не ги исполнува критериумите 1-8
• Тој/таа има престојувано во САД три (3) или повеќе месеци во текот на последните пет (5) години
• Неговото/ нејзиното семејство (член од семејството) :
○ Има аплицирано или аплицира да емигрира во САД
○ Планира или веќе има емигрирано во САД
НАЗАД
Кога и како можам да аплицирам?
. . . . . . . . . . . . . . . . . . . . . . . . . . . . . . . . . . . . .
Претставници на Американски Совети ќе ги посетат главните градови на регионот во склоп на земјите-учеснички за да спроведат тестирање во текот на есента 2019. Во Бугарија, Косово и Северна Македонија првата фаза ќе се одвива ONLINE. Кандидатите од Албанија и Босна и Херцеговина треба да дојдат во одредениот центар за тестирање во времето на почетната регистрација и да носат доказ дека ги исполнуваат критерумите (извод од книгата на родени) и пенкало. Кандидатите од Бугарија, косово и Северна Македонија мора да ја пополнат онлајн апликацијата до 31 октомври 2019. Кандидатите смеат да земат учество во тестирањето само во еден центар во есента 2019. Кандидатите коишто успешно ќе ја завршат првата фаза од тестирањето ќе бидат повикани да учествуваат во полуфиналната фаза.
| Фиер | 1 ное. 2019 |
| Тирана | 2 ное. 2019 |
За повеќе информации јавете се на +355 2235 347 или или на e-mail tirana@americancouncilssee.org
| Бања Лука | 15 окт. 2019 |
| Тузла | 16 окт. 2019 |
| Мостар | 18 окт. 2019 |
| Сараево | 19 окт. 2019 |
За повеќе информации јавете се на 033-838-262 или на e-mail sarajevo@americancouncilssee.org. Ве молиме јавете се во нашата канцеларија во Сараево за сите информации во врска со YES програмата и тестирањето, не се јавувајте во местото за тестирање. Јавете се на 033-838-262.
Тестирањето за YES програмата во Бугарија ќе започне ONLINE во септември 2019 година. Заинтересираните кандидати кои ги исполнуваат потребните критериуми треба да ја пополнат прелиминарната апликација online https://ais.americancouncils.org/yes (краен рок 31 октомври 2019). Одборот за оценување на апликациите ќе ги оцени апликациите online и ќе избере полуфиналисти во ноември. Полуфиналистите ќе добијат подолги апликации, ќе полагаат тест за познавање на англискиот јазик, ќе пишуваат есеј и ќе бидат лично интервјуирани од страна на вработено лице во Американски совети. Апликантите може да поднесат само една online апликација и да бидат интервјуирани само еднаш.
За повеќе информации јавете се на +359 87 7333013 и +359 87 9930228 или на e-mail sofia@americancouncilssee.org.
ONLINE !
Тестирањето за YES програмата во Косово ќе започне ONLINE во септември 2019 година. Заинтересираните кандидати кои ги исполнуваат потребните критериуми треба да ја пополнат прелиминарната апликација online https://ais.americancouncils.org/yes (краен рок 31 октомври 2019). Одборот за оценување на апликациите ќе ги оцени апликациите online и ќе избере полуфиналисти во ноември. Полуфиналистите ќе добијат подолги апликации, ќе полагаат тест за познавање на англискиот јазик, ќе пишуваат есеј и ќе бидат лично интервјуирани од страна на вработено лице во Американски совети. АплиАпликантите може да поднесат само една online апликација и да бидат интервјуирани само еднаш.
За повеќе информации јавете се на +381 38 226 255 или на e-mail prishtina@americancouncilssee.org
Тестирањето за YES програмата во Северна Македонија ќе започне ONLINE во септември 2019 година. Заинтересираните кандидати кои ги исполнуваат потребните критериуми треба да ја пополнат прелиминарната апликација online https://ais.americancouncils.org/yes (краен рок 31 октомври 2019). Одборот за оценување на апликациите ќе ги оцени апликациите online и ќе избере полуфиналисти во ноември. Полуфиналистите ќе добијат подолги апликации, ќе полагаат тест за познавање на англискиот јазик, ќе пишуваат есеј и ќе бидат лично интервјуирани од страна на вработено лице во Американски совети. Апликантите може да поднесат само една online апликација и да бидат интервјуирани само еднаш.
За повеќе информации јавете се на +389 2 30 76 522 или на e-mail skopje@americancouncilssee.org
НАЗАД
Како се одвива процесот на тестирање и селекција?
. . . . . . . . . . . . . . . . . . . . . . . . . . . . . . . . . . . . .
Учениците се натпреваруваат во неколку рунди. Во полуфиналната фаза, учениците и нивните родители се поканети да присуствуваат на заедничка средба со цел да дознаат повеќе за програмата. Учениците потоа имаат индивидуално интервју со тим вработени од Американски совети, пополнуваат стандардизиран тест за англиски јазик, пишуваат уште два есеи мониторирани од вработените на Американски совети, и ја добиваат официјалната апликација за програмата, што треба да се достави пополнета во локалната канцеларија на Американски совети во рок од две недели.
Селекцијата е базирана на доставените податоци, документи и на покажаната спремност за едногодишно искуство на размена што може да се потврди со сеопфатните апликации на учениците. Доброто познавање на англискиот јазик е важно, но тоа не е единствениот елемент за селекција и затоа не е пресудно. Учениците исто така ќе треба да направат здравствени прегледи и да бидат потврдени/одобрени како здрави за учество во програмата.
Процесот на селекција завршува на пролет и сите апликанти ќе добијат известување за нивниот статус до средината на мај. Избраните финалисти ќе учествуваат на ориентација пред програмата во текот на месец јуни или јули и ќе патуваат во САД во јули или август. Учениците се враќаат дома во јуни следната година. YES учениците мора да се вратат во нивната родна земја на крајот на програмата, на датата одредена од Американски совети. Визата за САД издадена за учесниците на оваа програма нема
да биде изменета или продолжена после крајот на програмата во ниеден случај.
НАЗАД
Каков бенефит ќе имам од размената?
. . . . . . . . . . . . . . . . . . . . . . . . . . . . . . . . . . . . .
YES програмата им нуди на учениците можност да научат за луѓето и културата на Соединетите Американски Држави. YES учесниците се
исто така млади амбасадори кои ги учат американците за луѓето и културата на нивните земји. Учениците се стекнуваат со разбирање за
други култури и развиваат чувство на сензибилност кон нив, искусуваат личен раст и независност, и стануваат подобрo подготвени за еден
се΄ повеќе меѓузависен свет. Учениците создаваат силни врски со нивните семејства домаќини и американските заедници каде живееле, градејќи врски што често траат доживотно. Многу алумни се запишуваат на престижни универзитети по нивното враќање дома и потоа наоѓаат возбудливи работни места каде ги применуваат вештините стекнати за време на престојот во САД.
НАЗАД
Што треба да земеш во предвид пред да аплицираш за YES?
. . . . . . . . . . . . . . . . . . . . . . . . . . . . . . . . . . . . . . . . . .
Учениците кои се интересираат за програмата треба да ги земат во предвид можните негативни исходи од програмата:
• Дали ќе треба да ја повторам годината во училиштето кога ќе се вратам дома?
• Дали ќе стигнам дома предоцна за да ги полагам завршните испити/тестови за упис на факултет? YES учениците се враќаат во нивните земји доцна во јуни следната година.
• Дали моето училиште / универзитет ќе го одложи моето запишување доколку веќе ме примиле?
• Дали ќе треба да служам војска после моето враќање?
• Дали ќе можам да матурирам како првенец/да добијам златен медал во моето училиште?
За крај, иако учениците се запишани во американско средно училиште, наставната програма е значително различна од таа во други
држави, и веројатно нема да го учиш истиот предметен материјал.
НАЗАД
Follow YES
Follow American Councils on Facebook
 |
|
|
|
|
|
|
|
|
|
YES Mailing List Subscription